Людміла Харрэр (Кулінкіна) нарадзілася 16 сакавіка 1958 года ў Беларусі, на Віцебшчыне, ў сям’і настаўнікаў. У 1975 годзе скончыла сярэднюю школу ў вёсцы Заспа Рэчыцкага раёну Гомельскай вобласці і працягнула сваё навучанне ў Гомельскім дзяржаўным універсітэце на гісторыка-філалагічным факультэце. З 1997 года Людміла Харэр жыве ў Мюнхене.

Маляваць пачала ў 48 год. Выяўленчаму мастацтву яна вучылася ў такіх майстроў як Мixaл Mapтэрсан (Оттэрфiнг, 2009), беларускi мастак Mixaл Чарняускi (Мюнхен, 2010), ў школе мастацтва ўкраінскай мастачкі Алёны Калеснічэнка ў Мюнхене (2011), у школе мастацтва "Diemalschule" нямецкай мастачкi Мiрыям Пашке (2017).

“Маляванне для мяне – гэта праяўленне гармоніі, спакою і волі, – гаворыць Людміла. – Яно дае мне магчымасць забыцца пра штодзённыя клопаты і акунуцца ў мае мары. Разнастайнасць фарбаў і таноў бударажыць маё ўяўленне, я атрымліваю асалоду ад кожнай хвіліны напісання новай карціны. Мая душа выяўляе сябе праз мастацтва”.